लालझाडीका एमाले नेता अमरसिंह रानालाई बलात्कारको आरोप, पार्टीले गर्यो निलम्बन
कञ्चनपुर, २१ भदौ ।
लालझाडीका एमाले नेता अमरसिंह रानालाई बलात्कारको आरोप लागेपछि पार्टीले कार्वाही स्वरुप निलम्बन गरेको छ । नेकपा एमाले लालझाडीले एक प्रेस विज्ञप्ति जारी गर्दै नेता रानालाई निलम्बन गरेको जनाएको छ । अध्यक्ष ओमप्रकाश रानाद्वारा हस्ताक्षरित सो प्रेस विज्ञप्तिमा बलात्कार मुद्दाको किनारा नलागुन्जेलसम्म निलम्बन गरिएको जनाएको छ ।
आरोपी राना एमाले निकट राष्ट्रिय युवा संघ,नेपाल सुदूरपश्चिम प्रदेश कमिटी सदस्य हुन । तर सो
विज्ञप्तिमा सञ्चार माध्यमहरुमा आएको समाचारहरुको खण्डन गर्दै
आरोपि राना पार्टीको कुनैपनी जिम्मेवारीमा नरहेको र पार्टी सदस्यमात्र रहेको उल्लेख गरिएको छ ।
एमाले लालझाडीका प्रभावशाली नेता मानिने रानाले गाउँकै २२ वर्षिया युवतीलाई बलात्कार गरेको आरोपमा प्रहरीमा मुद्दा दायर भएपछि पार्टीले रानालाई कारवाही गरेको हो ।
लालझाडी गाउँपालिकामा स्थानीय सरकार एमालेको भएकाले एमाले नेता अमर रानाले युवतीलाई जागिर दिलाइदिन्छु भन्दै लोभलालसा देखाएर बलात्कार गरेको पीडित परिवारको दुखेसो छ ।
Comments
Post a Comment