लुकाईछिपाइ ल्याउदै गरेको अबैध चार गोलिया सहित ट्याक्टर नियन्त्रणमा

गोविन्द बीसी
बैशाख ११,बौनिया ,कैलाली ।
कैलालीको बर्दगोरिया गाउँपालिका-३ रानीकुण्डाबाट  लुकाईछिपाइ ल्याउदै गरेको अवस्थामा अबैध सालको ४  गोलिया  सहित एक ट्याक्टर पक्राउ परेको छ ।

मंगलबार साझ करिव साढे ६ बजेतिर रानीकुण्डाबाट नम्बर नखुलेको ट्याक्टरबाट लुकाएर ल्याउदै गरेको अवस्थामा अबैध काठ प्रहरीले बरामत गरिएको हो । ढुङ्गामुनि लुकाएर ल्याउदै गरेको स्थानीयले थाहा पाएपछि ट्याक्टर छोडेर चालक फरार भएको स्थानीय सुरज नेपालीले बताएका छन ।

रानीकुण्डाबाट नदि छेउमा काठ लुकाई राखेको स्थानीयले देखेपछि उनीहरुले प्रहरीलाई खबर गरेका थिए । स्वराज कम्पनीको निलो रंगको ट्याक्टरको अगाडिको नम्बर प्लेट झिकेको र पछाडिको नम्बर मेटिएको स्थानीय अमन साउदले बताएका छन । उनका अनुसार ट्याक्टर चालकले स्पिडमा भगाउन खोज्दा ट्याक्टर पल्टिएको थियो ।

स्थानीयको सूचनाका आधारमा गएको ईलाका  वन कार्यालय रामपुर र ईलाका प्रहरी कार्यालय बौनियाको संयुक्त टोलीले उक्त काठ बरामद गरेको हो । ईलाका प्रहरी कार्यालय बौनियाका प्रहरी नायव निरीक्षक रामचन्द्र पन्तका अनुसार ट्याक्टर र काठ ईलाका वन कार्यालय रामपुरले नियन्त्रणमा लिएको छ । काठ र ट्याक्टर कस्को हो भन्नेबारे अनुसन्धान भइरहेको प्रहरी नायव निरीक्षक पन्तले जानकारी दिए ।