बर्दियामा आगलागी हुँदा चार जनाको मृत्यु

बर्दिया/९ मङ्सिर ।

बर्दियाको गुलरियामा गएराति आगलागी हुँदा चार जनाको मृत्यु भएको छ ।

गुलरिया ४ तुलापुरको एक घरमा राति १० बजे आगलागी भएको जिल्ला प्रहरी कार्यालय बर्दियाले जनाएको छ ।

आगलागीमा परेर मृत्यु हुनेमा ३२ वर्षकी राधा बुढा, १८ महिनाका कार्तिक चन्द, ७ वर्षका कृष चन्द र १० वर्षका मानसिंह बुढा रहेका छन् । उनीहरु सबैको घटनास्थलमै मृत्यु भएको प्रहरी उपरीक्षक सुधीरराज शाहीले बताए ।

२८ वर्षकी करिष्मा चन्द गम्भीर घाइते भएकी छन्। उनको स्थानीय अस्पतालमा उपचार भइरहेको छ।

आगलागीको कारण खुलेको छैन। मृतक चारै जनाको शव अहिले पनि घटनास्थलमै रहेको प्रहरीले जनाएको छ। घटनाको थप विवरण आउन बाँकी छ।