खाना पकाउने ग्यासको मूल्य घटने

काठमाडौँ/खाना पकाउने ग्यासको मूल्य घटने भएको छ । 

 भारतीय आयल कर्पोरेसन (आईओसी)ले अगस्ट १ तारिखमा नेपाल आयल निगमलाई पठाएको मूल्यसूची अनुसार खाना पकाउने ग्यासको मूल्य  एक सय रुपैयाँ घटने भएको छ । 

तर पेट्रोल,डिजल र मट्टीतेलको भाउ भने बढेर आएको छ । पेट्रोल प्रतिलिटर करिब सवा ८ रुपैयाँ, डिजेल ६ रुपैयाँ ६१ पैसाले बढेर आएको नेपाल आयल निगमले जनाएको छ।

यस्तै मट्टितेल साढे ७ रुपैयाँ र हवाई इन्धनमा ८ रुपैयाँले बढेको छ। 

नेपालमा साउन १ गतेदेखि स्वचालित मूल्य प्रणाली लागू भइसकेको छ। यस आधारमा भारतबाट बढेर आएको मूल्य यहाँ पनि बढ्ने र घटेर आएको मूल्य घट्ने निगमले जनाएको छ। आईओसीले हरेक १५–१५ दिनमा नयाँ मूल्यसूची पठाउँछ।