कैलालीमा मोटरसाइकल दुर्घटना हुँदा २ जनाको मृत्यु

धनगढी, चैत ९ । कैलालीको लम्कीचुहा नगरपालिका २ गणेशपुर नजिक बिहिबार साँझ भएको मोटरसाइकल दुर्घटनामा २ जनाको मृत्यु भएको छ। मृत्यु हुनेमा टीकापुरका नेत्र रावल र शिवराज बोगटी रहेको इलाका प्रहरी कार्यालय लम्कीले जनाएको छ।

दुर्घटना लगतै उद्दार गरी शिवराज बोगटीलाई टीकापुर अस्पताल र नेत्र रावललाई नेपालगञ्ज रेफर गरिएको थियो। दुर्घटनामा घाइते भएका आसाराम चौधरी र दिपक चौधरीको अवस्था सामान्य रहेको इलाका प्रहरी कार्यालय लम्कीका प्रहरी निरीक्षक नैनसिंह साँउदले जानकारी दिए।

असिमित गतिका कारण पर्वबाट पश्चिम तर्फ जादै गरेको से ५ प ४८०३ नम्बरको मोटरसाइकल र पश्चिमबाट पर्व तर्फ आउदै गरेको से २ प ७९८१ नम्बरकाे मोटरसाइकल बिहिबार साँझ एक आपसमा ठोक्कीदा दुर्घटना भएको प्रहरीले जनाएको छ।