एनआरएन र उड्डयन प्राधिकरणको सहकार्यमा विमानस्थल सफाइ अभियान सकियो

साउन १६, काठमाडौं ।। खेम्स क्लिनिङ, गैरआवासीय नेपाली संघ (एनआरएनए) र नेपाल नागरिक उड्डयन प्राधिकरणकोे सहकार्यमा सञ्चालित त्रिभुवन विमानस्थल सफाइ अभियान सकिएको छ ।

सफाइ अभियान सकिएपछि पत्रकार सम्मेलन आयोजना गरी सफाइ अभियन्ता खेम शर्माले विमानस्थल सफाइ अभियानको मुख्य पात्र विमानस्थलका मजदुर साथीहरु रहेको भन्दै धन्यवाद व्यक्त गरे । उनले भने,  "मलाई विमानस्थल सफाइ गर्न साथ दिने २१ जना मित्रहरुको विशेष भूमिका छ ।"

एनआरएनए उपाध्यक्ष भवन भट्टले आफू जापानको सुन्दर विमानस्थलबाट बिहान नेपालको विमानस्थल आइपुग्दा विमानस्थलको नयाँ स्वरुप देखेर दंग परेको सुनाए ।