पुनर्वासमा भागेश्वर चिनी मिलको केमिकलले बाली नष्ट गरेको भन्दै किसान आन्दोलित

 कञ्चनपुर/१८ असोज।

पुनर्वासमा भागेश्वर चिनी मिलको केमिकलले धान र उखु खेती नष्ट गरेको भन्दै पीडित किसान आन्दोलित भएका छ्न । किसानहरूले पुनर्वास २ स्थित भागेश्वार चिनी मिलले बगाएको विषालु केमिकलकै कारण उखु र धान खेती नष्ट भएको भन्दै उचित छानबिन र क्षतिपूर्तिको माग गरेका छ्न । 

पीडित किसानहरूले आफ्नो मागको उचित सम्बोधन नगरे कडा आन्दोलन गर्ने चेतावनी समेत दिएका छ्न । आजको  आन्दोलनमा किसानहरूले पुनर्वास नगरपालिकामा तालाबन्दि गर्दै  पालिकाको मुल गेटमा शान्तिपूर्ण धर्ना समेत सुरु गरेका छन् ।

 आफुहरुले बारम्बार भागेश्वर चिनी मिलबाट निस्कने विषालु केमिकलको उचित व्यवस्थापन गर्न, केमिकलकै कारण भएको क्षतिको मूल्यांकन गरि क्षतिपूर्ति दिन र भविष्यमा यसप्रकारको समस्या आउन नदिन प्राविधिक उपायहरू अपनाउन माग गरेपनि आफुहरुको मागमा चिनी मिल र नगरपालिकाले कुनै चासो नदिएको पीडित किसानहरूको गुनासो छ ।